Berisha: Jam modeli i çdo shqiptari, kam vetëm një apartament. Rama i ndërron gratë çdo 2 vjet

nga **♛Melody♛** Fri Jun 14, 2013 10:38 pm

Berisha: Jam modeli i çdo shqiptari, kam vetëm një apartament 120 metra katror. Rama i ndërron gratë çdo 2 vjet

Berisha: Jam modeli i çdo shqiptari, kam vetëm një apartament. Rama i ndërron gratë çdo 2 vjet Berisha-heq-jelekun1-300x199

Kryeministri Sali Berisha ka vendosur që tani e tutje në fushatë të bëjë krahasimin mes tij dhe kryetarit të opozitës, Edi Rama.
Në një tubim elektoral në Rrashbull të Durrësit, i lodhur dhe i ngjirur, Berisha tha se ai është modeli ku çdo shqiptar gjen vetveten. Kurse Rama është një njeri që nuk e di se çfarë është familja dhe vlerat e saj.
“Jam këtu për t’u kërkuar socialistëve të mendojnë për një moment se këto ditë përballen dy modele, ai i Sali Berishës, i juaji, modeli i një njeriu që beson tek, puna, tek, familja, Zoti dhe vendi i tij, një njeri që u ka faktuar që i qëndron besnik premtimeve dhe fjalëve të tij, që është 20 vjet në politikë dhe jeton në një apartament 120 metër katror, një njeri që ka bërë gjithçka në interes të vendit të tij, ka mbrojtur në çdo kohë interesin e kombit të tij, solli anëtarësimin në NATO, liberalizimin e vizave, mbrojti vendi nga kriza,” tha Berisha.
“Në krahun tjetër keni një politikan që gjithë ditën flet për shkatërrim, për hekura burgjesh dhe arrestime. Një njeri, që i ndërron gratë çdo dy vjet. Një njeri që ka një vilë 57 metër të gjatë. Niset drejt karriges së kryeministrit pa transparencë pasurie, një njeri që për interesa të veta bllokoi statusin e kandidatit, një njeri që donte të vinte në pushtet me dhunë. Ka marrë rreth vetes një grup miliarderësh, që kërkon t’i pasurojë në kurrizin tuaj. Kemi një njeri që parashtron dogmat e regjimit të shkuar. Kemi një njeri që sulmon fizikisht bashkëbiseduesit e tij,” vijoi Berisha, duke theksuar: “Tek Sali Berisha çdo shqiptar do të gjejë modelin e tij”./ep