Sulmuesi i makinës së Berishës në gjykatë: Do të votoj PD-në

BURREL- Është dhënë masa e sigurisë për Petrit Hoxhën, personi që qëlloi me tullë makinën e kryeministrit gjatë fushatës së këtij të fundit në Burrel. Gjykata mbas 48 orësh pasi u mbajt në dhomat e paraburgimit, ka vendosur ndaj tij masën e sigurisë "detyrim paraqitje".

Vetë 53-vejçari është shprehur se është penduar për veprimin e tij. Ai tha se ka qenë nën efektin e alkoolit, ndërsa u shpreh se në 23 qershor do të votojë sërish për Partinë Demokratike.

“Jam penduar për veprimin e bërë, kam qenë i alkoolizuar”, ka thënë ai. “Kam votuar gjithnjë për PD-në e do votoj për PD-në”, shtoi Hoxha.

/Shekulli Online/Përgatiti: E.Sh/