Alketa Vejsiu, fushatë për Edi Ramën: Nuk jam socialiste, por unë do të votoj për Shqipërinë e Edi Ramës

Prezantuesja e njohur, Alketa Vejsiu iu bashkëngjit sot Konventës Zgjedhore të Partisë Socialiste ku ftoi shqiptarët që të mposhtin frikën e të fitojnë lirinë duke votuar Shqipërinë e Edi Ramës më 23 qershor.
Vejsiu tha se Rama është i destinuar të rilindë Shqipërinë ashtu siç bëri me Tiranën.
“Shpresoj të kem dhënë një shembull modest lirie. Jam e bindur që janë të shumtë ata që heshtin sot por që më 23 qershor do të flasin nëpërmjet votës së tyre. Nuk jam socialiste, por unë do të votoj për Shqipërinë e Edi Ramës”- tha ndër të tjera Alketa Vejsiu.
“Kryetari juaj, dhe shpresoj me shpirt kryeministri ynë i ardhshëm me 23 qershor, idhulli i adoleshencës time, dhe i gjeneratës sime, dhe sot i vetmi politikan që unë qetësisht mund t’ia besoj votën time. Kam qenë në fakt vetëm 14 vjeç kur e kam takuar këtë personazh ekstravagant, që bënte shumë përshtypje, me çitjanet dhe çorapet e tij vezullues, i lirë dhe moskokëçarës. Pa dashur të fyej askënd, nuk mund ta fsheh se Edi Rama është i vetmi Ministër Kulture që mbaj mend. Ai do të mbetet kryetari i Bashkisë së Tiranës që do të mbahet mend më gjatë në Shqipëri.”- tha Vejsiu në fjalën e saj para Konventës së PS./panorama