Ja ushqimet që përmirësojnë jetën seksuale

Për shekuj me radhë, meshkujt kanë tentuar të përmirësojnë performancën e tyre seksuale duke përdorur ilaçe të ndryshme. Ato përmbajnë enzima rrisin qarkullimin dhe stimulimin e hormoneve, duke premtuar për një marrëdhënie të mirë seksuale. Mësoni cilat janë përmes foto-shpjegimit në vazhdim.

Borziloku

Aroma e borzilokut e përdorur nga femrat në formë kremrash, ka qenë prej kohësh e lidhur me tërheqjen seksuale të meshkujve. Pavarësisht së në kohët e sotme, përdorimi i tij nuk është shumë i përhapur, fakt mbetet që borziloku nxit epshin dhe tërheqjen seksuale, e përforcuar edhe nga aroma e tij natyrale.

Tërshëra

Tërshëra ka efekte magjike në lidhje me zgjimin e seksualitetit. Kërkuesit kanë zbuluar se tërshëra ndihmon zhbllokimin e prodhimit të testosteroneve në trup. Në raste të shumta është reklamuar përdorimi i tërshërës në vaktet e mëngjesit, duke shpjeguar se bën mrekulli në zgjimin seksual.

Avokado

Forma e avokados nuk ka kaluar pa u vënë re nga qytetërimet e shekujve të mëparshëm, si për shembull nga aztekët, të cilët pemën e avokados e quanin “pema testikul”. Kjo frutë është e pasur me vitaminën B6, e cila ndihmon në shtimin e dëshirës seksuale te meshkujt dhe është e pasur me kalcium që rregullon gjëndrat e tiroideve te femrat. Avokado përmban gjithashtu një lloj acidi, i cili bën mirë për zemrën dhe shton energjinë.

Shalqiri

Kur shalqiri u përmend si rastësisht tek filmi i famshëm “Dirty Dancing”, personazhi kryesor ndoshta nuk ishte i vetëdijshëm për potencën seksuale të frutës. Si lëkura ashtu edhe brendësia e shalqirit përmbajnë një aminoacid që hap enët e gjakut dhe rrit qarkullimin e gjakut në organet seksuale, me një fuqi të ngjashme me viagrën.

Hudhra

Nuk është produkti ideal me të cilin mund të shkosh lirshëm në shtrat, por përdorimi i saj mund të ndikojë shumë në aktin seksual. Hudhra përmban alicin, një substancë që rrit qarkullimin e gjakut në organet seksuale. Sigurohuni që hudhrën ta përdorni të copëtuar, pasi kur pritet, hudhra jep efektin e duhur.

Çokollata e zezë

Çokollata e zezë ka nivelin më të lartë të kakaos, shkakton ngacmime seksuale kurdo dhe përmban një mori komponentësh si fenileflamina, e cila quhet ndryshe “dashuria kimike”. Gjatë ngrënies së çokollatës çlirohet vitaminë në tru, duke rritur motivimin dhe kënaqësinë. Një studim i “Journal of Sexual Medicine” zbuloi se femrat që hanin qoftë edhe një copë të vogël çokollate çdo ditë, kishin një aktivitet më të lartë seksual sesa ato që nuk e përdornin.

Vanilja

Herën tjetër që do ndiheni fajtor për përdorimin e tepruar të akullores me vanilje, mendojini dhe një herë mrekullitë që mund të bëjë kjo shije në jetën tuaj seksuale. Nuk është shumë e pëlqyeshme vetëm aroma e fuqishme e vaniljes, por ajo ndihmon edhe sistemin nervor qendror, duke stimuluar trupin.

Bajamet

Lajthitë zakonisht janë të njohura për nivelet e larta të yndyrës, që është çelësi për prodhimin e hormoneve të nevojshme për një jetë të shëndetshme seksuale. Nga ana tjetër, bajamet janë edhe më të mira. Studimet tregojnë se aroma e tyre i ndez femrat. Në përmbajtje të bajameve është një lloj aminoacidi i quajtur arginine, që ndihmon hapjen e enëve të gjakut dhe rritjen e potencialit seksual mashkullor.

Panxhari

Romakët e lashtë e kanë përdorur panxharin për të përmirësuar aktivitetin seksual dhe cilësitë e tyre epshndjellëse. Panxhari përmban tritofan, një lëndë kimike që kontribuon në mirëqenien e njeriut. Panxhari shquhet për nivele të larta të mineralit bor, që është i lidhur direkt me prodhimin e hormoneve seksuale.

Gjalpi i kikirikut

Lajmi i mirë për njerëzit që e pëlqejnë gjalpin e kikirikut është ai ka yndyra organike bimore, të cilat absorbohen lehtë nga organizmi. Gjalpi i kikirikut rrit dopaminën dhe epshin te femrat. Herën tjetër që do ta konsumoni, sigurohuni që të merrni pak më shumë.

Shpargu

Pamja e tij e jashtme tregon se kemi të bëjmë me një frutë “mashkullore” dhe mesa duket, është me të vërtetë. Shpargu përmban nivele të larta të vitaminës E, që njihet ndryshe si “vitamina e seksit”. Gjethet e tij janë të nevojshme për prodhimin e histaminës, një lëndë që është e lidhur me kalimin e shpejtë të orgazmës te meshkujt dhe femrat. Klubi i vegjetarianëve na këshillon të hamë shparg për tri ditë rresht që të ketë një efekt më të fuqishëm.

Specat djegës

Ka një arsye përse specat djegës janë të lidhur prej kohësh me jetën aktive seksuale. Shija pikante vjen si pasojë e përmbajtjes së shumtë të kapsaicinës, një lëndë kimike që të sjell në humor dhe rrit qarkullimin e gjakut në zemër. Specat djegës stimulojnë edhe qetësimin nervor.

Ja cilët janë shkaktarët e impotencës

Situata kur mashkulli nuk është në gjendje të ketë ereksion ose kur nuk mund ta mbajë ereksionin aq gjatë sa për të kryer marrëdhënie seksuale, quhet mosfunksionim erektil (ME) ose, siç njihet më shumë – impotencë.

Shkaktarët fizikë të impotencës

Përdorimi i alkoolit dhe duhanit, lodhja, dëmtimet e trurit apo palcës kurrizore, hipogonadizmi (që çon në zvogëlimin e nivelit të testosteronit), pamjaftueshmëria e mëlçisë ose veshkave, skleroza multiple, sëmundja Parkinson, terapia rrezatuese në testikuj, si edhe disa intervenime kirurgjike në prostatë ose fshikëz urinare.

Probleme mjekësore që mund ta shkaktojnë impotencën

Diabeti (niveli i rritur i sheqerit në gjak), hipertensioni (shtypja e rritur e gjakut), dhe arterioskleroza (forcimi i arterieve). Nëse nuk mund ta kontrolloni sheqerin dhe shtypjen e gjakut, mund të fitoni impotencë. Është me rëndësi që barnat për këto sëmundje të merren ashtu si i përshkruan mjeku. Nganjëherë ndodh çrregullim i baraspeshës së hormoneve dhe kjo çon në impotencë. Disa barna po ashtu mund të shkaktojnë mosfunksion erektil, dhe nëse zbulohen ato, mjeku duhet të gjejë barna zëvendësuese për to.

Pirja e tepërt e alkoolit, duhanit, si dhe abuzimi me substanca të ndryshme, po ashtu mund të shkaktojë impotencë. Problemet në relacion me partnerin seksual janë shkaktarë të shpeshtë të mosfunksionimit erektil. Përmirësimi i raportit me partnerin seksual gjithashtu përmirëson jetën seksuale. Nëse vendosni për të kërkuar terapi, duhet që edhe partneri seksual të jetë pjesëmarrës. Çiftet mund të mësojnë mënyra të reja për të treguar përkushtimin dhe për ta kënaqur njëri-tjetrin.

/Shekulli Online/ Përgatiti: E.L/