Jonilda operon hundën dhe nxjerr në shesh gjoksin e bërë

Jonilda, 25-vjeçarja e “Big Brother 6” që do të mbahet mend si banorja e parë që pranoi të bënte një ndërhyrje estetike për zmadhimin e gjoksit ndërsa ishte në lojë, duket se nuk e ka lënë me aq çështjen e ndërhyrjeve plastike në pamjen e saj. Pas gjoksit, radhën e ka pasur ndërhyrja në hundë, siç e shihni në foton që ka mundur të shkrepë paparaci ynë pak ditë më parë. Jonilda nga Puka nuk ka duruar të heqë fashën në hundë dhe ka dalë të argëtohet në pub, ndërkohë që në momentin e shkrepjes së blicit ka ekspozuar dhe njërin gjoks, ku demonstron ndryshimin drastik të gjoksit pas operacionit. Jonilda prej 10 vjetësh jeton e punon në Parma të Italisë, ku ushtron prej shumë kohësh profesionin e laborantes dentare, një punë të cilën ajo është shprehur se e bën me shumë dëshirë. Ajo hyri në “BB” duke u prezantuar si një vajzë shumë e hapur dhe që e merr jetën siç vjen. Edhe pse e konsideronte veten një lojtare shumë të mirë para hyrjes në “BB”, ajo u votua nga publiku për të dalë që javët e para.
/PANORAMA