Tre fëmijët e zhdukur të Kurbinit gjenden në Budva të Malit të Zi

Tre fëmijët të cilët rezultonin të zhdukur që prej ditës së enjte në Kurbin janë gjetur këtë mëngjes në Budva të Malit të Zi.

Sipas të dhënave të policisë lokale, tre të miturit me inicialet K.SH., R.B. dhe E. H janë gjetur dhe më pas janë sjell në gjendje të mirë shëndetësore në orët e para të mëngjesit në Shqipëri dhe ndodhen në policinë e Shkodrës.

Ishin familjarët e tre fëmijëve, të cilët të shqetësuar për mungesën e fëmijëve në shtëpi, kanë bërë dhe denoncimin në komisariatin e Laçit. Ende nuk dihen detaje të tjera lidhur me ngjarjen, por pritet që fëmijët të merren në pyetje nga efektivët e policisë në mënyrë që të hedhin dritë mbi ngjarjen.

/Shekulli Online/Përgatiti: E.Sh/