Dita pa makina, Basha: Rrjet korsish të dedikuara për biçikletat

nga **♛Melody♛** Sun Sep 22, 2013 8:37 pm

TIRANE- Rrjet korsish te dedikuara per bicikletat ka premtuar kreu i bashkise se Tiranes, Lulzim Basha, gjate aktivitetit te sotem ne kuader te dites pa makina.
Bashkia e Tiranës organizoi një shëtitje me biçikleta tek Bulevardi Dëshmorët e Kombit, me pranine edhe te kryebashkiakut Lulzim Basha, ndërsa tek Pedonalja u zhvillua një aktivitet i iniciuar nga Bashkimi Europian, ku merrte pjesë edhe ministri i Mjedisit, Lefter Koka.
Kryebashkiaku Lulzim Basha i cili ka ardhur me biçikletë në bulevardin “Dëshmorët e Kombit” u shpreh se Bashkia e Tiranës ka bërë të mundur ndërtimin e 7.3 km rrugë të reja për biçikletat anembanë qytetit.
“Sot është dita ndërkombëtare pa makina. Edhe në Tiranë ashtu si edhe në qytete të tjera një numër i madh qytetarësh kanë lënë makinat dhe kanë marrë biçikletat. Bashkia e Tiranës ka ndërtuar 7.3 km rrugë të reja biçiklete anembanë qytetit. Gjithashtu do shtrihet rrjeti i korsive të dedikuara për biçikletat. Këto korsi shtojnë sigurinë për qytetarët gjatë ditës me trafik. Përsëris thirrjen për autoritetet që të gjitha automjetet që zënë korsitë e biçikletave të largohen menjëherë. Siç kemi nisur të shtrojmë rrugët e biçikletave, do të përparojmë në synimin tonë për një qytet të gjelbër dhe të shëndetshëm” tha Basha.