SHBA, fëmija 3 orë nën rërë, ra brenda një grope mes dunave të rërës

Një fëmijë 6-vjeçar ka shpëtuar mrekullisht, pasi ka qëndruar për tre orë nën tre metra rërë. Ngjarja ka ndodhur në Indiana të SHBA-ve, ku 6-vjeçari ra brenda një grope mes dunave të rërës ndërsa luante në park.
Menjëherë pas ngjajres familjarët njoftuan 911-ën duke thënë se fëmija ishte mbuluar nga rëra ndërsa po përpiqeshin ta nxirrnin prej aty. Ekipi i shpëtimit ka mbërritur pas 15 minutash dhe kanë nisur të gërmojnë më duar, por pa sukses. Ndaj u desh gërmimi me mjete të rënda për ta nxjerrë 6-vjeçarin nga thellësia prej 3 metrash nëntokë. Punonjësit arritën t’a nxirnin të gjallë fëmijën vetëm pas tre orësh gërmim, por gjendja e tij është e rëndë.
Kreu i zjarrfikësve bëri me dije se djali arriti të mbijetojë vetëm falë një rryme ajri të krijuar nën rërë. Ai shtoi më tej se incidenti ishte shokues dhe se kurrë nuk kishte ndodhur një gjë e tillë në parqet e dunave të rërës në Indiana të paktën në 20 vitet e fundit.