Socialistet e Korçës letër Ramës për hapjen e 4 mije vendeve të punës

nga **♛Melody♛** Thu Jun 27, 2013 5:53 pm

"I nderuar zoti Rama, kërkojmë nga ana juaj largimin e të gjithë kësaj administrate pa përjashtim." - thuhet ne nje leter qe i është dërguar zyrtarisht kryetarit të Partisë Socialiste dhe mban datën 8 qershor 2013, e cila mban logon dhe vulën e PS, por edhe firmën e kryetares së rrethit, Ana Verushi, raportonPanorama.
"Ne po e çojmë te ju," vazhdon letra e Verushit, "me besimin se ardhja e PS në pushtet do të bëjë të mundur heqjen e të gjithëve, duke mos pranuar asnjë ndërhyrje, duke mos parë asnjë kriter profesional, duke mos pranuar asnjë vlerësim, jo objektiv, që do të vinte nga njerëz që mbrojnë flamujt sa herë cenohet interesi i tyre”, - thuhet në letrën drejtuar Edi Ramës.
Kryetarja e PS-së së rrethit Korçë propozon që ky spastrim të shërbejë për sistemimin e militantëve të PS, që janë hequr nga qeveria e PD dhe që prej 8 vjetësh mbeten të papunë. Madje, ajo propozon dhe ndjekje penale për të gjithë drejtorët e rrethit të Korçës, por nuk jep arsyet apo shkeljet penale që ata kanë kryer.