Letër kërcënuese për bombë në avionin e linjës Tiranë-Vjenë

nga **♛Melody♛** Thu Jul 04, 2013 6:52 am

Të 85 pasagjerët e linjës Tiranë-Vjenë janë vënë në panik gjatë udhëtimit të kryer mesditën e djeshme me avionin e linjës Austrian Airlines në bordin e OS 848 Airbus.

Gjetja e një letre kërcënuese, se në bordin e avionit ndodhej një bombë, ka alarmuar stafin e avionit, i cili ka njoftuar menjëherë autoritetet e sigurisë, ndërsa avioni ndodhej 20 min larg aeroportit të Vjenës.

Në pamundësi për të ndërhyrë, autoritetet austriake kanë krijuar një pistë uljeje emergjence për avionin, i cili mbërrinte nga Tirana dhe pasi kanë kontrolluar me imtësi çdo pasgjer, bagazh dhe ambjentet e avionit ka rezultuar se nuk ka pasur asnjë lëndë plasëse.

Ngjarja konfirmohet për mediat austriake nga zëdhënsi i kompanisë austriake, William Baldia, ndërsa policia e Rinasit, e kontaktuar nga "A1Report", pranon që ka pasur një kontroll të veçantë mbi këtë linjë, pasi është e njëjta, ku 3 javë më parë u dha sinjali për një bomë, por nuk u gjet asgjë, qoftë edhe letra kërcënuese, që kanë gjetur autoritetet austriake.

Aktualisht kanë nisur hetimet, ndërsa linjat me Turqinë janë kthyer në precedentin e dytë për autoritetet shqiptare, duke alarmuar jo vetëm policinë këtu, por dhe homologët europianë, siç ka ndodhur ditën e djeshme në hapësirën ajrore austriake. - See more at: http://www.shqiptarja.com/aktualitet/2731/leter-kercenuese-per-bombe-ne-avionin-e-linjes-tirane-vjene-165377.html#sthash.pq4NotB0.dpuf