Maqedoni, ndalohen dekoltetë dhe veshjet provokuese në spitale

nga **♛Melody♛** Thu Jun 20, 2013 6:36 am

Maqedoni, ndalohen dekoltetë dhe veshjet provokuese në spitale

Ministria e Shëndetësisë në Maqedoni ka vendosur të vë rregull në personelin shëndetësor dhe me anë të një protokolli ka rregulluar sjelljet dhe veshjet e mjekëve, infermiereve dhe të punësuarve të tjerë në institucionet shëndetësore.
Protokolli parashikon një kod të veçantë të veshjes – mantelet e bardhë do t’i veshin vetëm mjekët, ndërsa personeli tjetër do të mbajë uniforma me ngjyra të ndryshme.
Personeli mjekësor e ka të ndaluar të përdorë parfume të forta, e as të veshë rroba provokuese, siç janë bluzat dhe këmishët me dekolte të hapur apo çorapet prej dantelle.
Është i ndaluar përdorimi i tonit të lartë gjatë bisedave me njëri-tjetrin apo me pacientët, si edhe pranimi i dhuratave dhe bisedat private telefonike.