Ndalohen dy policë, ngacmonin femra në rrugë

Dy punonjës të  policisë të veshur civilë, janë ndaluar për shkak se, kanë shkelur Kodin e Etikës. Nën efektet e alkoolit, pranë vendit të quajtur “9-katëshet” në Tiranë, kanë bërë veprime të pahijshme ndaj disa femrave.

Ata janë ndaluar dhe shoqëruar në një nga komisariatet e kryeqytetit. Gjatë ndalimit, ata kanë kundërshtuar dhe forcat e repartit “Shqiponja”. Ndaj tyre pritet të merren masa e pezullimit nga puna. Identiteti i punonjësve të Policisë së Shtetit, ende nuk bëhet i ditur.

Ndërkohë, Shërbimi i Kontrollit të Brendshëm pranë Ministrisë së Brendshme, ka nisur hetimet lidhur me këtë ngjarje të pahijshme që ka ndodhur me dy punonjësit e policisë.