Mediumet maqedonase: Shqiptarët në Maqedoni janë më pak se 20 përqind!

Praktika e medieve maqedonase për të “nën vlerësuar” numrin real të shqiptarëve të Maqedonisë me sa duket nuk ka të ndalur. Së fundmi në disa medie është plasuar informata se “shqiptarët në Maqedoni janë më pak se 20 përqind”, njofton Almakos.

Regjistrimi i mëparshëm i popullsisë, që u organizua në vitin 2002, zbuloi se shqiptarët përbëjnë 25% të popullsisë; shumë më shumë se sa shifrat e mëhershme të shënuara në vitet 1990.

Kohë më parë ish kryeministri i Maqedonisë dhe lideri i VMRO-DPMNE-së, Lubço Georgievski në një intervistë për portalin “Plusinfo”, deklaroi se maqedonasit nuk duhet të jetojnë në iluzione sepse shqiptarët në Maqedoni janë 30 për qind dhe këtë duhet ta dinë.

Kur e kemi parasysh se informatat e llojit “shqiptarët në Maqedoni janë më pak se 20 përqind, kurse ky është pragu i MO-së”, vijnë nga medie pro-qeveritare, dhe pas gjithë kësaj normalisht se mund të lindin dyshime që vallë këto pretendime mbi popullsinë në Maqedoni burojnë nga vetë Qeveria e Maqedonisë nga frika se numri i shqiptarëve është gjithnjë e në rritje?!/Almakos