“Unë e vrava Ndreun, ai duhet të rrinte i ngujuar ose të merrte leje për të lëvizur pasi nuk ia kisha falur gjakun”

Albert Tuci, i cili mbrëmjen e së hënës ekzekutoi me breshëri automatiku për hakmarrje 25-vjeçarin Besart Ndreu që sapo kishte dalë nga burgu, ndërsa plagosi rëndë shokun e këtij të fundit, Klentin Bajraktarin, shpjegon edhe arsyet që e detyruan të krynte krimin.
“Po. Unë e kam vrarë Besart Ndreun. Ai e dinte se ishte në gjak me ne dhe na kishte borxh. Ne s’e falëm gjakun, ndaj duhet të rrinte i ngujuar sipas Kanunit. Po të na kishte kërkuar leje për të lëvizur, ai do të ishte gjallë”, ka deklaruar në polici22-vjeçari që I ka shoqëruar forcat e policisë edhe në vendin ku kishte fshehur armën e krimit.
“Gjithçka ka nisur dy vite më parë, kur Besart Ndreu më plagosi mua, vëllain dhe djalin e xhaxhait tim në vendin e quajtur ‘Qafa e Pazarit’ në lagjen ‘Sanxhak’. Ne nuk e kishim falur atë, me gjithë ndërhyrjet që kishin bërë familja e tij për ta falur. Ai e dinte shumë mirë se ishte në gjak me ne dhe se na kishte borxh. Jam përpjekur që të mos vras asnjë njeri, pasi në atë moment kishte shumë njerëz në rrugë dhe unë i kam dalë Besartit para në mënyrë të menjëhershme.”, ka thënë Tuci duke sqaruar se nuk kishte qëllim ta vriste Besartin, por ta plagoste edhe pse shteti e dënoi për ta./alb-observer.com/