Autori: Kineastin e vrava për borxhin që më kish marrë

nga **♛Melody♛** Fri Jun 14, 2013 8:43 pm

Prokuroria e Tiranës ka përfunduar hetimet dhe dorëzuar për gjykim dosjen ndaj Halit Shahinit, ndaj të cilit është ngritur akuza e vrasjes me paramendim, pasi qëlloi me një plumb në kokë producentin, pas një zënke në lokalin e këtij të fundit në rrugën “Siri Kodra”. Në dosjen e prokurorisë thuhet se motivi i vrasjes janë mosmarrëveshjet për shkak të borxhit prej 100 mijë dollarësh, që producenti Barçi i kishte të pandehurit Shahini.

Familjarët e Barçit, patën deklaruar për njw tw pwrditwshme se i afërmi i tyre nuk ishte vrarë për punë borxhi.
I pandehuri Halit Shahini është njohur me viktimën Bujar Barçi, që prej vitit 2001. Pas njohjes kanë biseduar e vendosur që të investonin sëbashku në fushën e ndërtimit. Nga viktima është marrë përsipër të gjendej trualli për ndërtim, ndërsa nga i pandehuri të gjendeshin paratë për blerjen e truallit dhe fillimin e ndërtimeve.

Marrëveshja mes tyre është materializuar dhe me kalimin e një shume prej 100 mijë dollarë, nga i pandehuri tek viktima. Bujar Barçi, nuk i ka përdorur paratë për qëllimin për të cilin i kishte marrë.
Në 12 shkurt 2013, Shahini ka shkuar i armatosur në lokalin ku punonte viktima në rrugën “Siri Kodra”. Aty e ka gjetur viktimën vetëm në lokal dhe ka biseduar ashpër me të për punën e parave të pakthyera. Mandej e ka qëlluar atë mbrapa kokës me armën e zjarrit pistoletë dhe është larguar nga vendi i ngjarjes./alb-observer.com/