PD akuzon: Një qytetar i tha Ramës ‘dua të vras Berishën’ dhe ai i tha ‘merr shenjë se ka antiplum

nga **♛Melody♛** Fri Jun 14, 2013 9:39 pm

Në një takim të organizuar nga kryetari i opozitës, Edi Rama, një qytetar është shprehur se ka dëshirë që të vrasë kryeministrin Berisha. Rama i është përgjigjur atij se duhet të marrë shenjë me kujdes pasi ai mban antiplumb. Kjo përgjgije është konsideruar si skandal nga PD-ja e cila ka reaguar nëpërmjet zedhënëses.
“Dje në mbrëmje, ndërsa Rama i mbushte qytetarët me pesimizëm në një prej takimeve të Partisë Socialiste, një prej mbështetësve të Ramës deklaroi se do të kishte dashur ta vriste liderin e zgjedhur në mënyrë demokratike të Shqipërisë. Por Rama nuk e dënoi këtë veprim. Përkundrazi, Edi Rama u përgjigj duke e inkurajuar qytetarin duke i thënë se do t’i duhej të qëllonte në shenjë për shkak të antiplumbit. A mos beson Edi Rama se largimi me dhunë i një qeverie është veprimi i duhur? A mos mendon Edi Rama se vrasja është veprimi i duhur?
Edi Rama duhet ta dënojë këtë koment menjëherë dhe të kërkojë ndjesë për heshtjen e tij. Kjo nuk është hera e parë që Edi Rama nxit dhunë në zgjedhje dhe për këtë atij duhet t’i vijë turp.

Dhuna nuk ka vend në demokraci!” thuhet në deklaratën e PArtisë Demokratike./alb-observer.com/