Ushtari amerikan që vrau Bin Ladenin po shndërrohet në femër

Ushtari amerikan i famshëm Chris Beck, i cili luftoi në Afganistan në disa fushëbetejat vdekjeprurëse dhe që arrit të vrasë edhe ish-kreun e Al Kaedas, Osama Bin Laden, po kthehet në femër.

Chris Beck, dikur pjesë e forcave elitë të ushtrisë amerikane, Team Seal Six, deklaroi se tani nuk është më “ai”, por është “ajo” me emrin Kristen Beck, sepse tani ai e kuptoi që vitet që jeta që ka kaluar nuk ishte ajo që dëshironte, pasi gjithmonë e ndjente veten grua. Pas 20 viteve shërbim dhe trajnim për t’u shndërruar në një vrasës gjakftohtë në radhët e ushtrisë amerikane, ai thotë se ka nisur terapinë e marrjes së hormoneve për t’u shndërruar në femër.

Beck planifikon t’i shkojë misionit të tij deri në fund duke iu nënshtruar edhe operacionit të shndërrimit të organeve seksuale.

Beck ka marrë pjesë në 13 operacione në mbarë globin me skuadrën speciale Team Seal Six e bërë e famshme pas misionit të fundit ku asgjësoi pas një dekade arrati Osama Bin Ladenin. Ai është dekoruar me medaljen e “Yllit të Bronxtë”, një nga medaljet me të larta që jepet për ushtarët.

/Shekulli Online/ Përgatiti: E.L/