Skandali: 33 mijë shtetas shqiptarë fantazmë

Mediat kanë nxjerrë në dritë një skandal I cili hedh shumë hije dyshimi mbi zgjedhjet por jo vetëm. Kështu Gazeta Dita shkruan në kryeartikullin e saj se në Shqipëri janë prodhuar 33 mijë shtetas, që nuk ekzistojnë përveçse në listat zgjedhore.
Artikulli sqaron edhe mënyrën se si janë krijuar këta shtetas. Kështu, një familje me 4 anëtarë, duke siguruar fillimisht certifikata false, është riregjistruar në Gjendje Civile duke ndërruar nga një element të identitetit (germë të emrit, mbiemri, atësia apo mëmësia ose shifër te datëlindja). Jo vetëm kaq. Ka shtuar në certifikatë edhe dy anëtarë të tjerë familje. Kështu është krijuar një familje fantazmë, e pajisur e gjitha më pas me karta identiteti dhe pasaporta.
Këto identitete të rreme janë aktualisht në shitje dhe shumë prej tyre kanë përfunduar në duar trafikantësh, kriminelësh dhe duke I dhënë skandalit përmasa më të mëdha pasi vë në dyshim gjithë sitemin e kartave dhe pashaportave biometrike./alb-observer.com/