Skandali i përgjimeve në SHBA, NSA përgjoi edhe Shqipërinë

Agjencia Amerikane e Sigurisë Kombëtare, NSA ka përgjuar edhe vendin tonë.

Por një hartë e publikuar nga gazeta prestigjioze britanike “The Guardian” tregon se Shqipëria është një prej vendeve më pak të përgjuara nga kjo agjenci.

Në këtë hartë tregohen me ngjyrë të kuqe vendet që janë përgjuar më shumë, të cilat janë Irani, i ndjekur nga Pakistani, Jordania, Egjipti dhe India, kjo për shkak të konflikteve në këto zona. Në këtë hartë Shqipëria është në ngjyrë jeshile, ndërsa Kosova ka ngjyrë më të hapur, në portokalli që tregon se është përgjuar dhe mbikëqyrur më shpesh nga NSA, Agjencia Amerikane e Sigurisë Kombëtare.

Të dhënat e publikuara nga ‘The Gurdian’, të cilat erdhën pas rrjedhjes ë informacionit nga ish-agjenti i kësaj agjencie, Edward Snowden përfshijnë rreth 79 bilionë të dhëna të grumbulluara nga rrjetet kompjuterike në mbarë botën.(gazeta-Shqip)