Emiljano Shullazi pranë lirimit nga burgu

Emiljano Shullazi, i njohur jo vetëm për shkak të precedentëve të tij penalë, por dhe për përfshirjen në fushata zgjedhore, pritet të dalë nga burgu pikërisht tani kur afron fushata elektorale.

Gjykata e Apelit e qytetit të Shkodrës ka pushuar çështjen në ngarkim të Emiljano Shullazit. Kanë qenë vetë avokatët e Shullazit të cilët kanë hequr dorë nga apelimi për vendimin e Gjykatës së rrethit Lezhë.

Pas kërkesës së avokatëve mbrojtës, kryetari i seancës, gjyqtari Astrit Kalaja, ka vendosur pushimin e çështjes.

Shullazi, u arrestua më 29 qershor të 2012-ës me dy armë pa leje në një makinë të blinduar në Shëngjin. Arrestimi u krye nga forcat speciale të policisë RENEA.

Gjykata e Lezhës vendosi shpalljen fajtor të Shullazit dhe dënimin e tij me dy vite burg por për shkak të pranimit të gjykimit të shkurtuar në vendimin përfundimtar u vendos dënimi i tyre me 1 vit e 4 muaj.

Ky dënim u apelua në gjykatën e Apelit në Shkodër nga avokatët mbrojtës të cilët pretendojnë uljen e dënimit për dy klientët e tyre duke kërkuar llogaritjen e ditëve të qëndrimit të tyre në paraburgim.