Arratisje spektakolare nga burgu zvicerian, mes të arratisurve 1 shqiptar dhe 1 kosovar

5 të burgosur që vuanin dënimin në burgun Bois-Mernet, në Lozanë të Zvicrës janë arratisur në mënyrë spektakolare. Mediat zviceriane bëjnë me dije se 4 nga të burgosurit janë dënuar për rrëmbim, vjedhje, trafik droge dhe armësh apo krime të tjera. Ndërsa i pesti është një 35-vjeçar serb, i cili bën pjesë në grupin famëkeq “Pantera Rozë”, (Pink Panther) një bandë hajdutësh ndërkombëtarë të bizhuterive.

Tre bashkëpunëtorë nga jashtë janë ngjitur me një shkallë metalike në muret e burgut dhe u kanë hedhur pjesëtarëve të grupit një thes ku kishte mjete si një imitim të revoles, një shishe me lotsjellës dhe një vegël për prerje të metalit. Të burgosurit me këto mjete kanë neutralizuar gardianët dhe më pas kanë prerë rrethimin prej teli dhe janë larguar nga muri rrethues.
E gjithë arratisja nuk ka zgjatur më shumë se 5 minuta ndërsa menjëherë policia e Kantonit të Vaudit është vënë në ndjekje të të arratisurve./alb-observer.com/