12-vjeçari që parashikoi fitoren spektakolare të PS-së

nga **♛Melody♛** Sat Jun 29, 2013 4:17 am

Shumica e analistëve dhe sondazheve nuk e parashikuan një fitore kaq të thellë të Partisë Socialiste më 23 qershor. Por parashikimin e ka bërë një 12-vjeçar që ka ardhur nga Greqia në Shqipëri ditën e votimeve, edhe pse ai nuk ka të drejtën të votojë.
“Të hënën, 17 qershor 2013, u nis nga Athina autobusi i parë me emigrantë për Rilindjen. I pari që u ngjit ishte Mario Papa 12 vjeçar. Mario flet jo vetëm shqip, greqisht, anglisht, po edhe gjuhën e shenjave sepse ndihmon komunikimin me të tjerët të prindërve të tij, Miranda e Jani, që të dy shurdhmemecë. Mario u bë më pas i famshëm se gjatë gjithë rrugës u thoshte të tjerëve: Fitorja do jetë spektakolare dhe në Tirane do fitojmë 18 ose 19 deputetë! Ai ishte ulur pranë të ëmës në sediljet me numër 18 dhe 19”, shkruhet në postimin që shoqëron foton e Marios me Ramën.