Identifikohet autori i sulmit në Uashington, vrau 12 vetë

nga **♛Melody♛** Tue Sep 17, 2013 10:11 pm

Autoritetet amerikane kanë identifikuar njërin nga tre autorët e masakrës ku u vranë 12 persona në një bazë të marinës në Uashingtonit gjatë ditës së djeshme. Ai quhet Aaron Alexis, 34 vjeç, dhe është një ish-marins i cili më pas u vra nga të shtënat e policisë në kantierin e marinës.
Sipas US Navy, Aaron Alexis ka shërbyer si marinar me gradën oficer i klasit të tretë me kohë të plotë nga viti 2007 deri në vitin 2011.
Motivi i masakrës mbetet ende i paqartë, ndërkohë që policia është vënë në ndjekje të dy të dyshuarve të tjerë që lëvizin të armatosur dhe dyshohet se janë të përfshirë në masakër.
Presidenti i SHBA, Barack Obama e cilësoi ngjarjen si “sulm frikacakësh” dhe shprehu ngushëllimin e tij për viktimat, ndërkohë që urdhëroi uljen e flamujve në gjysmë shtizë në Shtëpinë e Bardhë dhe Capitol Hill.
17 shtator (gazeta-Shqip.com)