Situatë e rënduar, protesta para bashkisë

nga **♛Melody♛** Thu Aug 29, 2013 2:41 am

Romët e pastrehë

Situatë e rënduar, protesta para bashkisë Romet-te-Skenderbeu-4-320x240

Aktivistë të rinj romë dhe egjiptianë kanë protestuar para Bashkisë së Tiranës duke kërkuar marrjen e masave të menjëhershme për strehimin e 37 familjeve rome, të cilët u dëbuan nga vendbanimet e tyre. Që prej datës 7 gusht, familjet rome të dëbuara nga vendbanimet, qëndrojnë në strehëza të improvizuara në trotuar, në kushte të vështira. Institucioni përgjegjës për strehimin e tyre, Bashkia e Tiranës, nuk ka dhënë ende asnjë zgjidhje për ta. Të rinjtë e komunitetit rom i kërkojnë opinionit publik të ndërgjegjësohen dhe të mbështesin komunitetin rom dhe egjiptian në respektimin e të drejtave të tyre. Ata theksojnë se institucionet shtetërore nuk po marrin në konsideratë kërkesat e tyre, duke u lënë të enden rrugëve në mëshirë të fatit.
Kjo situatë kërcënon së pari fëmijët, të moshuarit, si dhe të sëmurët, të cilët janë të shumtë në numër, për shkak të kushteve të vështira të jetesës dhe kequshqyerjes. “Gjithashtu, dëshirojmë të ndërgjegjësojmë opinionin publik, i cili do të ndihmonte duke shprehur solidaritet dhe mbështetje gjatë aktiviteteve që do të ndërmarrin në ditët në vazhdim”, deklaruan dje aktivistët në mbrojtje të çështjes rome.