Cili është muaji që bëjmë gjumin më të keq?

nga **♛Melody♛** Tue Aug 27, 2013 5:44 pm

Sipas studiuesve britanikë, muaji më i keq për gjumin është shkurti. Ky përfundim vjen pas një studimi të kryer me mbi 21 mijë persona, ku thuhet se duhen mesatarisht 8 minuta më shumë për të na zënë gjumi në raport me muajt e tjerë. Në muajin shkurt na duhen 56 minuta për të na zënë gjumi në raport me 48 minuta që na duhen gjatë muajit mars. Sakaq ata persona që vuajnë nga pagjumësia, qëndrojnë 10 minuta më shumë zgjuar në raport me muajin mars. Për profesor Colin Espie, i cili drejtoi studimin, kjo pagjumësi shpjegohet me faktin se shkurti është muaji më i ftohtë i vitit, ku ngrohja zgjat më shumë dhe se ky është muaji me më pak dritë edhe pse dita fillon të zgjatet, por se mungesa e dritës së diellit, ndikon në moralin tonë dhe cilësinë e gjumit. Nga 21 mijë personat e pyetur, 68% e tyre pranuan se ndiheshin më të lodhur gjatë muajit shkurt dhe flinin më pak. Femrat ishin më të prekura nga ky fenomen.