Ermira, “Gruaja Humanitare Ndërkombëtare”

nga **♛Melody♛** Sun Aug 04, 2013 6:11 pm

Kongresi Amerikan ka nderuar atë e bijë, Neki dhe Ermira Babamusta për herë të dytë për veprimtarinë e tyre demokratike e diplomatike mes kombit shqiptar dhe amerikan, më 2004 dhe tani më 2013.
Në ceremoninë solemne “Mirësevini në Washington”, të organizuar nga senatori Harry Reid, Ermira Babamusta pranoi njohjen dy dekorimet:
“Ermira Babamusta, Gruaja Humanitare Ndërkombëtare 2013”, dhe “Neki Babamusta, Mbrojtës Ndërkombëtar i Demokracisë 2013”.
Gjatë takimit Ermira i dhuroi senatorit Harry Reid një punim tradicional me simbolin shqiptar, shqiponjën me dy krerë, si shenjë respekti për forcimin e lidhjeve kulturore-diplomatike SHBA-Shqipëri-Kosovë.
“Falënderoj Kongresin dhe senatorin Reid për vlerësimin që më dhanë për punën time humanitare diplomatike në Kosovë. E vlerësoj këtë takim si moment historik për marrëdhëniet trepalëshe SHBA–Shqipëri-Kosovë dhe përkrah përpjekjet amerikane në këtë drejtim”, tha Ermira.
/Shekulli Online/Përgatiti: E.D/