Arrestohet mësuesja 22-vjeçare, akuzohet për marrëdhënie seksuale me nxënësin e saj

Një mësuese anglishteje në New Jersey është arrestuar nga policia, pasi akuzohet për marrëdhënie seksuale me nxënësin e saj.
Mësuesja 22-vjeçare, Kalee Warnick, është akuzuar për marrëdhënie seksuale me nxënësin e saj 15-vjeçar pas një ankese që është bërë kundër saj. Ndërkaq Charlie Webster, zëdhënës i Zyrës së prokurororit Monmouth County tha për Asbury Park Press se zyra e tij nuk mund të lëshojë ndonjë informacion se si policia është vënë në dijeni të kontaktit të supozuar seksual midis Warnick dhe nxënësit të saj.
Avokati i mësueses, Alton Kenney, thotë se ajo do të vetëdeklarohet jo fajtore sepse ajo në fakt nuk është fajtore sipas tij. Ai thotë më tej se pret që ajo të shfajësohet dhe të kthehet për të punuar si mësuese sërish.
Ndërsa avokati i familjes së djalit thotë se ky i fundit ka përjetuar një përvojë të hidhur.