Vlorë, arrestohet një 29-vjeçar, akuzohet për trafik ndërkombëtar droge

Një 29-vjeçar ka përfunduar në pranga, pasi akuzohet për trafik ndërkombëtar droge.
Sipas burimeve zyrtare të policisë së Vlorës, në kuadër të një operacioni policor antidrogë të agjencive italiane të zbatimit të ligjit, është bërë ekzekutimi i mandat-arrestit ndërkombëtar në ngarkim të shtetasit Sokol Novruz Shytaj, 29-vjeç, banues në qytetin e Orikumit.
Policia bën me dije se arrestimi i këtij shtetasi u krye në orët e para të mëngjesit të sotëm në të njëjtën kohë me arrestime të tjera të kryera në Itali.
Gjykata e Romës në ngarkim të këtij shtetasi ka caktuar masën e sigurisë “Arrest në burg” me qëllim ekstradimin dhe gjykimin e tij në Itali pasi dyshohet për “Trafikim narkotikësh”.