Aplikacione “magjike” për smartphone, do të zbulojnë “dëshirat” e përdoruesve

Mund të duket si fantashkencë apo sajesa sharlatanësh, por të gjitha kompanitë e mëdha të Silicon Valley (përfshi Google) janë duke punuar për disa aplikacione “magjike”. Bëhet fjalë për disa app në smartphone që do të jenë në gjendje në të ardhmen të “zbulojnë” nevojat e përdoruesve përpara se ai ta kuptojë vetë.

Kështu për shembull me Siri të famshme të iPhone është e nevojshme që përdoruesi ti drejtojë pyetjen celularit, ndërkohë që me aplikacionet e reja, do të jetë vetë aparati celular që do të “veprojë” në autonomi të plotë për të të kujtuar takim apo kontrolluar oraret e kinemasë.

Por si do të bëhet e mundur kjo? Sipas New York Times, këto app të reja do të jenë “parashikuese” sepse do të kenë aftësinë të kontrollojnë aktivitetet e smartphone, përfshi rrjetet sociale, e-mail dhe mesazhe.

1 gusht 2013 (gazeta-Shqip.com)