Punëtorët e rrugës Tiranë-Elbasan zbulojnë 25 predha

nga **♛Melody♛** Thu Jul 25, 2013 7:56 am

Punëtorët e rrugës Tiranë-Elbasan kanë zbuluar sot rreth 25 predha të Luftës së Dytë Botërore gjatë punimeve për hapjen e aksit të ri.

Nga burime të Policisë së Tiranës mësohet se predhat janë gjetur përgjatë rrugës nga punëtorët e firmës që ishin duke hapur rrugën.

Punëtorët menjëherë kanë njoftuar forcat e policisë, të cilët pasi kanë identifikuar vendndodhjen e predhave kanë rrethuar zonën dhe nuk kanë lejuar asnjë person të afrohet, ndërsa ekspertët xhenierë të ushtrisë bënë transportimin tyre. Fatmirësisht nuk pati asnjë shpërthim të tyre gjatë gërmimeve.

Ndërkaq burimet dhe banorët, bëjnë të ditur se nuk është hera e parë që në këtë zonë gjenden predha, por ato të zbuluara pak ditë më parë janë më të shumta në numër.

/Shekulli Online/ E.L/