Jonida Maliqi, suksesi i klipit vjen me herën e dytë....

Këngëtarja Jonida Maliqi i është rikthyer muzikës pas dy vitesh me “Sonte”, një këngë e realizuar në bashkëpunim me DJ Blunt dhe me një klip që i është dashur plot një vit për ta realizuar. Ja pse!

Kanë kaluar dy vite që prej herës së fundit ku Jonida këndonte në skenën e festivalit “Kënga Magjike”. Gjatë kësaj kohe ajo është përkushtuar në rolin e ri të mamasë, duke u kujdesur për të birin Dan. Ka vendosur t’i rikthehet muzikës këtë verë, me një klip të ri, në një rrymë të re, ndryshe nga sa është shfaqur deri më tani me  këngët dhe performancat e saj muzikore, në rrymën Dance dhe bashkëpunimin e një  Deejay.  Videoklipi sjell atmosferën verore me plazhet piktoreske të Jugut të Shqipërisë, çadrave ekzotike, vajzave me rrobe banje dhe argëtimit me ritmet e muzikës që të bëjnë të vallëzosh dhe festave  me shkumë… Jonida shfaqet në formë dhe fashioniste si gjithmonë me tendencat më të fundit të shtëpive më të mëdha të modës.

Por për të realizuar këtë klip veror i  janë dashur plot një vit.  I ka nisur edhe njëherë nga e para xhirimet pasi produkti i parë nuk ishte në pritshmëritë e këngëtares. “Këngën në fakt e kemi realizuar që vjet, por ashtu siç mund t’i ndodhë gjithkujt, patëm një eksperiencë jo të mirë nga klipi i parë. Nuk ishte në nivelin që ne kërkonim dhe si unë, ashtu edhe çunat, nuk mund t’i falnim vetes gabime në këtë drejtim. Është një detyrim ndaj vetes dhe publikut në radhë të parë”- është shprehur Jonida pas realizimit të fundit të klipit, të cilin herën e dytë ia ka besuar bashkëpunimit me kompaninë  “Max Production”.

Për ta çuar deri në fund videoklipin nuk ju desh më kohë e gjatë, por  vetëm 13 orë intensive xhirimesh në Llogari, Dhërmi dhe fshatra të tjerë turistikë të jugut të Shqipërisë. Një këngë krejt nuk nga çfarë keni parë e dëgjuar deri tani- e cilëson Jonida klipin e saj “Sonte”, duke shpresuar se do të tërheqë vëmendjen e publikut pasi sjell risi. Me gjithë punën impenjative si mama dhe biznesin e saj me dyqanin e këpucëve, Jonida Maliqi duket se i është rikthyer fuqishëm krijimtarisë muzikore, pasi është duke punuar edhe për një këngë tjetër,  të cilën do ta prezantojë në tregun muzikor  në sezonin e dimrit.

Videoklipi sjell atmosferën verore me plazhet piktoreske të Jugut të Shqipërisë, çadrave ekzotike, vajzave me rrobe banje dhe argëtimit me ritmet e muzikës që të bëjnë të vallëzosh dhe festave  me shkumë… Jonida shfaqet në formë dhe fashioniste si gjithmonë me tendencat më të fundit të shtëpive më të mëdha të modës. Por për të realizuar këtë klip veror i  janë dashur plot një vit. I ka nisur edhe njëherë nga e para xhirimet pasi produkti i parë nuk ishte në pritshmëritë e këngëtares. “Këngën në fakt e kemi realizuar që vjet, por ashtu siç mund t’i ndodhë gjithkujt, patëm një eksperiencë jo të mirë nga klipi i parë. Nuk ishte në nivelin që ne kërkonim dhe si unë, ashtu edhe çunat, nuk mund t’i falnim vetes gabime në këtë drejtim. Është një detyrim ndaj vetes dhe publikut në radhë të parë”