A eshte i dashuruar me ju?

Nëse doni që ta dini një gjë të tillë; duhet të kërkoni disa shenja, të cilat është shumë lehtë të shihen.
Sillet si zotëri
Kur jeni vetëm ju diku jashtë në një takim, a sillet me ju sikur të ishit e dashura e tij? Nëse ai largon karrigen që ju të uleni, ofron të paguajë për ju dhe insiston t'ju ndihmojë kur keni nevojë,do të thotë se keni rëndësi të madhe për të.
Flirton
Nëse ju keni rëndësi për të më shumë se një mike, ai nuk mund të durohet e të mos flirtojë. Ai mundohet që t'ju bëjë pyetje personale në një mënyrë qesharake, jo vetëm kur jeni me miq të tjerë, por edhe kur jeni vetëm ju të dy.
Nuk flet për vajza të tjera
Kur një mashkull e pëlqen një femër dhe nuk ia ka shprehur pëlqimin apo dashurinë, ai do të mundohej ta bënte këtë sa më të qartë që është e mundur pa e zbuluar direkt të vërtetën. Ai do të mundohet të shmangë bisedat për femrat e tjera, duke u munduar ta transmetojë mesazhin se nuk i bën për të tjerat, por vetëm për ju.
Dëshiron të kaloni kohë bashkë
Edhe kur jeni me miq të tjerë, a mundohet ky person që të arrijë te ju, duke tejkaluar të gjithë miqtë e tjerë? Nëse ai mundohet në mënyrë konstante të jetë afër teje, kjo do të thotë se ai është qartësisht shumë i interesuar. Kjo mund të jetë pak e koklavitur nganjëherë, sepse ka raste kur thjesht mund t'i pëlqejë biseda me ju. Por, herën tjetër kur të jeni bashkë me miq të tjerë, në mes të bisedës kërko falje dhe largohu me miket e tjera, për të parë nëse ofrohet që të vijë me ju./clubfm

Si te kuptoni sinjalet qe nje mashkull ju dashuron?
Përderisa lehtë mund t’i kontrollojmë fjalët që dalin nga goja, rëndë mund t’i kontrollojmë të gjitha lëvizjet e trupit tonë. Kurse trupi asnjëherë nuk hesht, çdo herë lëshon ndonjë informacion të rëndësishëm
Kështu agjenci kanë dhënë këshilla se si një mashkull shpreh interesim për femrën dhe sa ai është i dashuruar në ju. Nga ato do të mësoni shumë për ndjenjat e tij dhe synimet ndaj jush. Këtu sjellim 13 këshilla si ta hetoni që një mashkull ju dashuron.
1. Ju rregullon flokët ose ju ledhaton në duar
Përkthim: Po ju bën test, dëshiron të provojë se a i pëlqeni? Nëse derisa ua prek flokët ose dorën ju ia ktheni me një buzëqeshje, ai në këtë rast e di se ka leje që t’ ju ofrohet edhe më tepër. Nëse ndjen reaksion negativ, ai do të dijë të tërhiqet.
. Prek hundën e tij
Përkthim: Sigurisht se po gënjen. Nëse prek hundën ose veshin e tij derisa ju përgjigjet në ndonjë pyetje ose ju tregon ndonjë ngjarje, sigurisht se nuk e tregon të gjithë të vërtetën. Keni kujdes! Ekspertët shpjegojnë se kur ai tenton të gënjejë, fillon të “ngacmohet” dhe në kokën e tij arrin më shumë gjak, kurse kjo shkakton ndjenjën e kruarjes.
3. Prek nyjën e dorës
Përkthim: Ndjehet i pasigurt. Juve ndoshta ju duket se ai po e rregullon orën e dorës, por kjo lëvizje është shenjë se ai nuk ndjehet i sigurt. Me këtë mbyllje të duarve, ai sikur bën një mbrojtje sepse ndjehet “i rrezikuar”. Nëse jeni në takim, jepni buzëqeshje më shoqërore dhe ndryshojeni atmosferën.
4. Beli i tij është i drejtuar nga ju.


Përkthim: I pëlqeni. Njerëzit drejtojnë belin e tyre kah ato të cilat i besojnë dhe që i tërheqin. Nëse vëreni se edhe në momentet kur flet me mikun nga ana tjetër, beli i tij është kthyer kah ju, kjo është shenjë e sigurt se për të nuk jeni vetëm një person i thjeshtë.

5. Qëndron me shuplakat mbi qafë i mbështetur në karrige

Përkthim: Tregon superioritet. Ky nuk është sinjal pozitiv, sepse ai mendon se ka vlerë më shumë se ju dhe as nuk tenton që ta fshehë atë. Nëse vëreni një shenjë të tillë që në takimin e parë, keni kujdes se si do të veproni më tutje. Dëshira e tij për dominim mund të jetë problem konstant.

6. I “lag” buzët

Përkthim: Ju dëshiron. Ekspertët thonë se kur dikush i “lag” buzët, në fakt tregon se para tij/saj ka diçka që e dëshiron. Ai nuk do të dojë t’ ju lëshojë nga duart, kurse nga ju varet se a do t’i përgjigjeni me entuziazëm të njëjtë.

7. Lëkundet përpara – mbrapa



Përkthim: Është në pritje, dmth pret nga ju një sinjal për të kuptuar që të vazhdojë t’ ju flet rreth e rrotull ose të ndalet. Nëse dëshironi që të vazhdojë, jepni përgjigje duke buzëqeshur. Megjithatë, keni kujdes se shumë njerëz fillojnë të luhaten pasi të kenë pirë 2-3 gota alkool.
8. Prek flokët
Përkthim: Dëshiron të mbetet më tërheqës për ju OSE është nervoz. Nëse prek flokët derisa kthen kokën kah ju dhe ju buzëqesh, atëherë kjo është shenjë që ai dëshiron më bukur sa që është e mundur që t’ ju pëlqejë. Por, nëse prek flokët derisa ju ofroheni për bisedë ose ai drejtohet kah ju, atëherë kjo është shenjë se nuk ka vetëbesim dhe ndjehet keq nga pamja e tij.
9. Prek faqen e tij
Përkthim: Ju dëgjon me vëmend
je dhe/ose po planifikon veprimin e tij të ardhshëm. Nëse prek faqen derisa ju i flisni, kjo është shenjë se është i koncentruar në fjalët tuaja. Por, në disa raste prekja e faqes është sinjal se ai po planifikon veprimin e tij të ardhshëm, i cili me siguri do të jetë prekje fizike. Ekspertët thonë se prekemi në mënyrë të butë kur duam ta prekim atë që është para neve, por ndjejmë se nuk mund ta bëjmë atë.
10. Qëndron me këmbë të hapura


Përkthim: Ju dëshiron tej mase. Këmbët e hapura janë sinjal i pavetëdijshëm i meshkujve se ndjejnë tërheqje seksuale kah personi i cili është para tyre.

11. Qëndron ulur dhe gishtërinjtë e këmbëve të tij janë të kthyer njëri mbi tjetrin.

Përkthim: Është shumë i pasigurt në veprimet e tij. Zakonisht në këtë pozitë mund të shihni djalë me një dozë të caktuar turpi.

12. Shikon majtas – djathtas derisa ju përgjigjet

Përkthim: Gënjen, trillon fakte. Njerëzit zakonisht e ndryshojnë shikimin majtas kur trillojnë fakte, kurse djathtas kur mundohen të përkujtohen në diçka. Nëse ai shfaq shenja të nervozes dhe e drejton vështrimin majtas, atëherë keni dyshim në fjalët e tij. Ndoshta gënjen vetë që t’ ju impresionojë.

13. E shtrinë dorën nga ju

Përkthim: Kërkon leje që t’ ju afrohet edhe më shumë. Nëse derisa bisedoni vëreni se ai shtrinë dorën, në mënyrë suptile jepni sinjal se nuk ju pengon që të ofrohet më shumë. Për shembull, për shkurt prekeni edhe ju për dore./24ore/

Pesë shenja që tregojnë se është i dashuruar
Nëse doni ta dini se a është me të vërtetë i dashuruar, ja disa shenja që mund t’ju ndihmojnë në këtë drejtim.
E zini duke ju shikuar 
Meshkujve u pëlqen të shohin atë që e duan. Nëse nga të gjitha ato femra, që janë rreth teje, ai të zgjedh ty për t’i hedhur sytë, atëherë mund të jesh e sigurt se ka një tërheqje të thellë.
Ai ju shikon në sy 
Kur jeni afër njëri-tjetrit, duke biseduar, ai ju shikon thellë në sy, sepse kjo është mënyra e tij për ta shprehur afeksionin dhe lidhjen emocionale që ka me ty.
Ai flet për të ardhmen 
Nëse ai ju tregon planet e tij për të ardhmen dhe nuk e përmend faktin që ju mund të jeni me të, por jep tërë kohën shenja të tilla, atëherë ai definitivisht ka ndjenja për ju. Kjo do të thotë se e sheh të ardhmen me ju.
Vesh rrobat që ia blini 
Nëse i keni dhuruar diçka për të veshur për njërën nga festat e fundit, dhe ai e vesh atë, kjo është shenjë e mirë. Jo se meshkujve u intereson shumë pamja e jashtme, por sepse ata ju lejojnë të ndërhyni në një pjesë të egos së tyre.
Ju qëndron afër në publik 
Vendi ku qëndron ai, kur dilni thotë shumë për vendin që keni në jetën e tij. Nëse ai mundohet të jetë gjithnjë afër jush, kjo do të thotë se është i interesuar dhe mundohet të jetë brenda zonës, ku mund ta prekni dhe të flisni me të.