Hidratimi I Lëkurës Pas Diellit

Për Te Pasur Një Nxirje Te Bukur Dhe Ne Te Njëjtën Kohe Te Mbroni Lëkuren Mund Tu Ndihmoje Ushqimi.

Vera është sinonimi i diellit, dritës dhe…nxirjes! Por për te evituar demet e ekspozimit ndaj rrezeve te diellit, ju duhet te merrni parasysh disa këshilla. Një regjim i përshtatshëm mund tu ndihmoje te merrni një ngjyre te bukur. Dieta mesdhetare është padyshim me e mira, kjo, ne fakt, i sjelle organizmit tone një sasi te madhe antioksidantesh qe, përveç se lufton radikalet e lira, bën me te forta dhe me rezistente qelizat e lëkurës.

Ne dietën mesdhetare janë prezente ushqime te cilat ndihmojnë për te stimuluar prodhimin e melaninës, pigmenti qe lëkura prodhon për tu mbrojtur nga rrezatimi diellor. Fuqia antioksiduesve e ushqimeve është shpesh i asociuar përmbajtjes se vitaminave. Një nder me te rëndësishmet është vitamina A, qe tonifikon lëkurën dhe stimulon sintezën e melaninës. Ne ushqime gjendet nen formën e beta karoteneve.

Karotat janë ne veçanti te pasura, por mund te gjejmë sasi te mire edhe tek pjeshkat, kajsitë, shalqiri, bostani, qershitë, spinaqi, selinoja, specat, domatet, rukola, kungulli, sallata jeshile etj. Ne sasi me te vogla vitamina A gjendet tek qumështi, kosi, djathi, toni i freskët, vezët, luleshtrydhet, kivi, pasi këto janë te pasura me vitamine C, e cila rrit mbrojtjen imunitare te lëkurës, mbron kapilaret dhe rregullon prodhimin e melaninës.

Vitamina E hidraton dhe mban elastike lëkurën, ajo gjendet me se shumti tek vaji i ullirit, banania, borziloku, nenexhiku, domatet, soja, e verdha e vezës etj, vitamina F e cila gjendet me shume tek vaji i farave te lirit, lulediellit, e bën lëkurën te bute. Burime te tjera antioksidues është dhe salmoni, maja e birrës.





25.07.2013

Burimi: Ikub