Në Fund Javë, Temperatura Deri Në 43 Gradë

nga **♛Melody♛** Wed Jul 24, 2013 6:21 pm

Në fund javë, temperatura deri në 43 gradë.

Këtë fundjavë dhe javën e ardhshme vendet e Europës Jugore do të përfshihen nga valë të nxehti ekstrem me origjinë nga Saharaja.

Institutet meteorologjike parashikojnë që vala e të nxehtit të mbërrijë ditën e premte, ndërsa piku i saj pritet nga e shtuna deri të hënën, ku temperaturat mund të shkojnë deri në 43 gradë celcius në disa vende.

Meteorologët thonë se termometri do të shënojë shifra rekord, të paregjistruara më parë në 10 vitet e fundit. Parashikohet që vala e të nxehtit të prekë edhe Ballkanin dhe vendin tonë.

Në Itali, specialistët e shëndetit publik bënë thirrje për shmangie të lëvizjes gjatë orës së drekës në këto ditë, ndërsa këshilluan konsumimin e sa më shumë lëngjeve, sidomos nga fëmijët dhe të moshuarit.

Ndërkohë, Britania regjistroi temperaturat më të larta në 7 vitet e fundit. Termometri shënoi 33.5 gradë celcius, dicka e pazakontë për vendin ishullor ku edhe vera është e freskët.

“Daily Mail” thotë se vala e të nxehtit që ka prekur vendin ka marrë 760 jetë njerëzish dhe numri i viktimave mund të rritet akoma më shumë nëse temperaturat nuk bien.

Moti i nxehtë do të vazhdojë, sipas gjasave javën që vjen, edhe pse brenda 48 orëve të ardhshme, pritet që dielli në disa pjesë të Britanisë t`ia lërë vendin stuhive e ndoshta edhe përmbytjeve.

24.07.2013

Burimi: Ikub