Reagon Topalli: “Është çmenduri, tmerr... brenda 3 ditëve, 3 nëna, 3 gra u vranë barbarisht”

nga **♛Melody♛** Wed Jul 17, 2013 12:54 am

“Në tre ditë, 3 nëna, 3 gra u vranë barbarisht. Kjo është një çmenduri, një tmerr”, ka qenë komenti i Jozefina Topallit.
Pas ngjarjeve tragjike të ditëve të fundit në vendin tonë, ku për pasoj të dhunës brenda familjes kanë humbur jetën 3 nëna, ish-kryetarja e parlamentit dhe një nga figurat më dominuese të skenës së politikës shqiptare ka reaguar!
Kështu e “prekur” nga krimet e rënda të njëpasnjëshme që tronditën mbarë opinionin shqiptar ditët e fundit, Topalli ka reaguar me anë të një statusi në Facebook duke thënë se vendin e ka kapur një tmerr i vërtet.

Ja se çfarë shkruan ajo konkretisht në fb: “Në tre ditë, 3 nëna, 3 gra u vranë barbarisht. Kjo është një çmenduri, një tmerr.
Alketa Cani, Valbona Çarçani, Valbona Lleshi nuk janë më. Fëmijët e tyre jetojnë ferrin!
Ato ishin nënat, të bukurat, të mrekullueshmet.
Për të gjithë Valbonat, në atribut për çdo nënë, bëni share (nëse jeni dakord) për të thënë MJAFT!”/alb-observer.com/