Policia: Ja kush e rrahu barbarisht kandidatin e FRD-së në Fier

nga **♛Melody♛** Fri Jun 14, 2013 6:30 am

Policia e Fierit ka bërë me dije se ka mundur të identifikoj personin që dhunoi barbarisht kandidatin e FRD-së në Fier.
Në njoftimin e Policisë së Shtetit thuhej se si një nga autorët e dyshuar të rrahjes së 50-vjeçarit Mit’hat Hoxha është identifikuar 29-vjeçari Eugen Çaushi nga Roskoveci.
Ndërkaq, në njoftim shtohej fakti se mbi bazën e materialeve të referuara nga policia gjyqësore,
Prokuroria e Fierit ka regjistruar procedimin penal për nenin 325 të Kodit Penal. Më konkretisht prokuroria ka nisur hetimin për veprën penale të “pengimit me anë të kanosjes, dhunës, apo me çdo mënyrë tjetër të subjekteve zgjedhore apo të kandidatëve për të zhvilluar veprimtarinë e tyre në përputhje me ligjin gjatë fushatës zgjedhore”.
Gjithashtu në njoftimin e policisë thuhet se është bërë edhe ndalimi i të dyshuarit si bashkëpunëtor në dhunimin e 50-vjeçarit Mit’hat Hoxha.

Ky i fundit u dhunua barbarisht pak para mesnatës së të dielës pranë banesës së tij. /alb-observer.com/