Policia boshnjako-serbe rreh nënat e Srebrenicës

nga **♛Melody♛** Mon Jul 15, 2013 5:52 am

SREBRENICË - Policia boshnjake serbe është përleshur sot me familjarët e viktimave të masakrës së Srebrenicës, gra myslimane, të cilat vizituan vendin ku të afërmit e tyre ishin ekzekutuar 18 vjet më parë, njoftojnë mediat boshnjake, të cilave iu referohet “Ora Info”.

Sipas radios publike BHR1, incidenti ka ndodhur, kur policia është munduar të ndalojë rreth 150 gra, për të hyrë me forcë në një magazinë në fshatin Kravica, afër Srebrenicës, për të lënë kurora lulesh në vendin ku iu ishin vrarë burrat dhe djemtë e tyre, e cila tashmë është pronë private.

Rreth 1,000 boshnjakë myslimanë janë vrarë në magazinën e Kravicës më 13 korrik të vitit 1995. Policia boshnjake serbe mohoi të ketë përdorur dhunë, por gratë thanë se forcat e rendit i kishin rrahur ato dhe se tetë prej tyre ishin lënduar.

Të enjten, 409 mbetje mortore të myslimanëve boshnjakë, të vrarë në masakrën e Srebrenicës, janë varrosur në memorialin Potoçari të Srebrenicës.

Më se 8,000 myslimanë boshnjakë, burra e djem janë ekzekutuar nga forcat bosnjake serbe në korrik të vitit 1995, ngjarje që paraqet masakrën më të madhe në Evropë prej Luftës së Dytë Botërore.
- See more at: http://www.shqiptarja.com/bota/2728/policia-boshnjako-serbe-rreh-nenat-e-srebrenices-166994.html#sthash.P0YNL1ux.dpuf