Aksident i rëndë në Itali, vdesin tre shqiptarë dhe një italian

nga **♛Melody♛** Fri Jul 12, 2013 10:18 pm

Një aksident i rëndë ka ndodhur në Itali duke shkaktuar vdekjen e tre shtetasve shqiptarë dhe një shtetasi italian. Ngjarja ka ndodhur në orët e pasdites së enjte në periferi të qytetit Crema në Itali.
Sipas mediave italiane, viktimat e aksidentit janë: Rilind Zenunaj, 21 vjeç, Besim Tafilaj, 34 vjeç dhe Kamber Tafilaj, 48 vjeç, nga Kosova dhe shtetasi Italian, Massimo Bergomi, 47- vjeç. Shtetasit nga Kosova po udhëtonin me një kamionçinë tip “Merzedes-Benz”, kur në një moment automjeti humbi kontrollin dhe doli në korsinë tjetër të rrugës, duke u përplasur me një kamion “Iveco”.
Shoferi i kamionit, sipas autoriteteve policore lokale, ka pësuar vetëm dëmtime të lehta dhe ndodhet jashtë rrezikut për jetën. Përplasja e automjeteve ka qënë e fortë dhe sipas mediave italiane, zjarrfikësve u është dashur shumë kohë që të nxirrnin viktimat nga kamionçina.
Ndërkohë dyshohet se shkak i aksidentit është bërë një parakalim i gabuar nga ana e kamionçinës me të cilën udhëtonin shqiptarët nga Kosova.

- See more at: http://medialajm.al/2013/07/aksident-i-rende-ne-itali-vdesin-tre-shqiptare-dhe-nje-italian/#sthash.EX7rmoX9.dpuf