Vdekja e 11 vjeçarit, Prokuroria nis hetimet për mjekët që e operuan

nga **♛Melody♛** Tue Jul 02, 2013 4:39 am

Prokuroria e Tiranës ka nisur hetimet mjekët irlandezë dhe ata shqiptarë që operuan 11-vjeçarin Denis Almadhi i cili humbi jetën gjatë një operacioni në kapakët e syrit në qendrën spitalore universitare “Nënë Tereza”.
Dyshohet se mjekët kanë gabuar në trajtimin mjekësor të 11- vjeçarit dhe sipas organit të akuzës stafi mjekësor do të duhej të kishte siguruar medikamentin dantrolen dhe më pas të vijonin operimin e vogëlushit.
Pak ditë më parë doli ekspertiza e dytë mjeko-ligjore pqër vdekjen e vogëlushit, i cili ndërroi jetë rreth 7 muaj më parë. Sipas kësaj ekspertize shkak për vdekjen e 11-vjeçarit ka qenë mungesa e mjekimit me dantroleni, i cili shërben për trajtimin e hipertermisë malinje.
Ekspertiza e dytë, mbështet përfundimet e ekspertizës së parë se dantroleni është i vetmi antidot për krizën e hipertermisë malinje dhe mjekët nuk e përdorën për të kuruar Denis Almadhin.
1 korrik 2013 (gazeta-Shqip.com)