Automjeti përfshihet në flakë në ecje e sipër, plagosen bashkëshortët

Një automjet ka marrë flakë në ecje e sipër dhe për pasojë kanë mbetur të plagosur çifti i bashkëshortëve, të cilët janë transportuar në Spitalin Ushtarak.

Ngjarja ndodhi mëngjesin e sotëm në aksin rrugor Fier-Lushnjë, në vendin e quajtur Vajkan.

Bashkëshortet, identifikuar si Sulejman dhe Alie Sula, 60 dhe 51 vjeç, të cilët u dërguan me urgjencë në spital. Sipas burimeve të policisë mendohet se makina ka shpërthyer dhe është djegur plotësisht.

Nuk ka ende të dhëna për shkakun e shpërthimit, ndërkohë që po hetohet edhe për një shpërthim të qëllimshëm.

/Shekulli Online/ Përgatiti: E.L/