Durrës, këputet ashensori, vdes një fëmijë, një tjetër në gjendje të rëndë

Një fëmijë ka vdekur dhe një tjetër ndodhet në gjendje të rëndë, pasi ashensori ku ata ndodheshin është këputur. Ngjarja e rëndë ka ndodhur pasditen e sotme në Durrës, në një pallat të ri në lagjen numër 1.
Nga informacionet e para mësohet se në pallat është dëgjuar një zhurmë e madhe si pasojë e këputjes së ashensorit. Pas kontrollit që është bërë në ashensor, janë gjetur dy fëmijë të moshës 3-4 vjeç me plagë në trup.
Fëmijët janë transportuar menjëherë në spitalin rajonal të Durrësit, prej ku mësohet njëri prej fëmijëve ka humbur jetën, ndërsa tjetri ndodhet në gjendje të rëndë.
Ndërkohë, në vendngjarje ka mbërritur policia, e cila po heton rrethanat në të cilat ka ndodhur ngjarja.