Korçë, një 23-vjeçare hidhet nga kati i 5-të i pallatit, ndodhet ne gjendje kritike

Një vajze 23-vjeçare ka tentuar t’i japë fund jetës duke u hedhur nga kati i pestë i një pallati. Ngjarja ka ndodhur mbremjen e së martes në lagjen numer 15 të Korçës.
Vajza me iniciale G.D., është transportuar menjëherë nga banorët e pallatit në spital, prej ku mësohet se gjendja e saj është kritike, pasi ka marrë plagë të shumta në trup.
Policia bën me dije se 23-vjeçarja është nga fshati Malavec dhe prej disa muajsh bashkëjetonte me një djalë në pallatin nga i cili u hodh ditën e sotme. Policia ka shoqëruar bashkëjetuesin, duke e marrë atë në pyetje, për të zbuluar shkaqet e ngjarjes.
Sipas të njëjtave burime, 23-vjecarja është një person me precedentë penalë dhe njihej si një person që grabiste dyqanet e rrobave dhe këpucëve. Në janar të këtij viti ajo u arrestua për shkatërrim prone dhe vjedhje e mbetur në tentativë.