Çantë E Dyshimtë Para Pallatit Të Kulturës, Dyshohet Se Ka Lëndë Eksplozive

nga **♛Melody♛** Mon Jun 17, 2013 11:57 pm

TIRANE - Një çantë e dyshimtë, e braktisur para Pallatit të Kulturës në qendër të Tiranës, ka vënë në lëvizje policinë e kryeqytetit. Çanta u gjet nga kalimtarë të rastit, të cilët lajmëruan menjëherë policinë, pasi dyshojnë se në të mund të ketë lëndë eksplozive.
Policia ka mbërritur në vendngjarje dhe ka rrethuar të gjithë zonën, ndërkohë që pritet mbërritja e ekspertëve për të bërë verifikimet e nevojshme.
Pak ditë më parë, një çantë e dyshimtë u gjet përpara maternitetit “Mbretëresha Geraldinë” në kryeqytet. Pasi mbërritën në vendin e ngjarjes, ekspertë të policisë kryen testet e para dhe konstatuan se nga brenda çantës dëgjoheshin pulse zanore, duke bërë që të dyshohej për mundësinë e vendosjes së një bombë. Por pasi kryen kontrollin e nevojshëm, ekspertët konfirmuan se alarmi për bombë ishte i rremë, pasi brenda çantës nuk kishte asnjë material shpërthyes, por vetëm disa aparatura elektronike dhe rroba.
Forca speciale deklaruan psa konstatimit se canta e braktisur ne qender te Tiranes ishte bosh. Canta eshte marre nga forcat e policise.
Por pasi kryen kontrollin e nevojshëm, ekspertët konfirmuan se alarmi për bombë ishte i rremë, pasi brenda çantës nuk kishte asnjë material shpërthyes, por vetëm disa aparatura elektronike dhe rroba.
17.06.2013
Burimi: Balkanweb