Itali, arrestohet i dyshuari për vrasjen e shqiptarit në Britani

Edmond Nela, 31-vjeç, është arrestuar në Milano pasi akuzohet për vrasjen e një shqiptari në Angli.

Policia britanike thotë se, ai është i papunë që nuk kishte një adresë fikse dhe ishte shpallur në kërkim pasi ka lidhje me vrasjen e Xhem Krasniqit në Hove më 18 maj. Nela, tani pritet të ekstradohet drejtë Britanisë së Madhe.

Krasniqi, 31 vjeç me kombësi shqiptare dhe me profesion punëtor skele, u vra me një plumb të vetëm teksa po ecte në rrugë bashkë me vëllanë dhe nipin. Edhe ata u qëlluan por nuk i zuri plumbi.

Policia dyshohen se, ngjarja që i mori jetën babait të dy fëmijëve, ka ndodhur pas një mosmarrëveshje mes dy familjeve. Ndaj të arrestuarit do të ngrihen akuzat e vrasjes dhe tentativës së vrasjes për dy të tjerë si edhe e armëmbajtjes pa leje.