Gjyqtari që fikson ndeshje në këmbim të seksit

nga **♛Melody♛** Wed Jun 12, 2013 9:20 pm

Trukimi i ndeshjeve përmes fiksimit të rezultatit vijon të jetë një nga problemet më të mëdha në fushën e futbollit.
Gjyqtarë të ndryshëm pranojnë të ‘blihen’ me çmime të ndryshme, por rasti i një gjyqtari libanez, arbitër i FIFA-s, është disi më i veçantë. Gjyqtari Ali Sabbagh u dënua me 6 muaj burg në Shangai, pasi u shpall fajtor për trukimin e një ndeshjeje në këmbim të seksit.
Gjithashtu, me nga 3 muaj u dënuan edhe dy ndihmësit e tij të cilët gjithashtu akuzohen se kanë trukuar ndeshje në këmbim të favoreve seksuale.
Gjyqtari kryesor dhe ndihmësit e tij mësohet se ishin blerë nga një biznesmen vendas, i cili në këmbim të fiksimit të rezultatit që i interesonte atij, kishte paguar prostituta për ta.
12 qershor 2013 (gazeta-Shqip.com)