Një Paradë Mode Dhe 650 “Të Ftuar” Në Dasmën E Soni Malaj

Këngëtarja e njohur Soni Malaj prej kohësh ka gjetur dashurinë e jetës së saj, balerinin italian Mirko. Të dy prej disa kohësh janë bërë edhe prindër të një vajze, dje pak dite me pare ato bene edhe ceremoninë e tyre te martesës.



Edhe pse te lidhur prej nje kohe te gjate, çifti nuk kishte bërë ceremoninë klasike të martesës, ku nusja sigurisht vishet me fustan te bardhe.
Kjo nuk kishte ndodhur deri të hënën e kësaj jave, sepse çifti simpatik kishte planifikuar një martesë tërësisht origjinale.
Pikërisht në sfilatën e përvitshme të “Geraldina Sposa”, çifti shkëmbeu unazat në prani të përfaqësues së Bashkisë së Tiranës.
Administratoret e kompanisë se njohur te eventeve ceremoniale, “Geraldina Sposa”, kishin menduar qe t’i bënin çiftit te njohur një dhurate sa simbolike, po aq edhe te papritur. Ata e ftuan çiftin te kurorëzohej ne martese, pikërisht ne spektaklin qe ata kishin realizuar ne përvjetorin e dhjete te sfilatave te kësaj kompanie. Me këtë rast, ne salle ndodheshin edhe rreth 650 te ftuar VIP, te cilët, pasi kishin shijuar edhe bukuritë e fustaneve dhe modeleve qe parakaluan u bene edhe dëshmitare te martesës se Sonit dhe Mirkos.
Soni elegante dhe sharmante dhe Mirko po aq elegant dhe i hijshëm.
Pyetjes se a e pranon si gruan tënde të ligjshme Sonin, Mirko nuk iu përgjigj me Po, por me një fjalë shqip “Me gjithë zemër”.
Pas shkëmbimit të puthjes dhe sfilatës çifti kaloi në pasarelë edhe njëherë, e pastaj ashtu siç e do zakoni, dhëndëri e rrëmbeu nusen në krahë./ikub