Berisha heq nga puna bashkëshorten e Pezës

Kryeministri Berisha ishte sot në Peqin, ku përveçse akuzoi Ramën nuk kurseu as sulmet për kandidatin socialist për Peqinin, Alfred Pezën. Ai akuzoi Pezën se, gjatë kohës që ishte gazetar “çirrej të denonconte regjimin Berisha”, ndërsa gruaja e tij ishte drejtoreshë në Ministrinë e Jashtme.

Këtu garojnë dy kushërinj të parë nga Peza. Për Dash Pezën nuk po flas se kemi një fjalë ne , atë që ta bën i yti , nuk ta bën njeri, atë që ja bëri Alfredi , nuk ja bëri njeri. Kurse për Alfredin do tu them dy fjalë, kur kandidoi e dëgjova një natë në TV tek thoshte “regjimi i tmerrshëm i Berishës”. Alfred, në qoftë se karakteri i burrit ekziston dhe ai vërtetë ekziston, mund të them se ti nuk paske deficit të lindur. Në kohën kur Alfredi çirrej në TV për regjimin e Berishës, Alfredica, e shoqja ishte drejtoreshë në regjimin tim. Pra vota këtyre njerëzve nuk u jepet, sepse nuk kanë asnjë interes tjetër, përveç interesave personale", tha Berisha.

Por në fakt, prej ditës që Peza doli si kandidat i PS-së, bashkëshortja e tij nuk është më drejtoreshë në Ministrisë së Jashtme, por mbetet pjesë e administratës së saj. Bashkëshortja e Pezës ishte drejtoreshë për marrëdhënieve me publikun në Ministrinë e Jashtme, dhe ka qenë në këtë pozicion pune para vitit 2005, kur PD erdhi në pushtet. Berisha e shkarkoi ditën që Alfred Peza deklaroi se do kandidonte për opozitën”.

/Shekulli Online/Përgatiti: F.S.