Itali, arrestohen 2 shqiptarë me 23 kg kokainë

Firence-Dy shqiptarë dhe një shtetase rumune janë arrestuar nga policia e Firences në Itali me 23 kilogram kokainë. Arrestimi i tyre është realizuar nga policia e Firences, e cila e konsideron drogën e sekuestruar si një nga sasitë më të mëdha të kapura deri tani. Dy automjetet e shqiptarëve u ndaluan për një kontroll rutinë në autostradë.

Gjatë kontrollit të automjeteve u zbulua se, në të dyja ato ishte krijuar posaçërisht një ndarje e fshehtë, për të transportuar 11 dhe 12 kg drogë. Të tre personat e përfshirë në ngjarje janë arrestuar, me akuzën e mbajtjes dhe shitjes së lëndëve narkotike.

Atyre u janë sekuestruar edhe 2.000 euro dhe katër celularë. Identitetet 3e shqiptarëve nuk bëhen publike për arsye hetimi, pasi autoritetet italiane dyshojnë se ata janë pjesë e një organizate ndërkombëtare të trafikut të drogës.

/Shekulli Online/Përgatiti: A.Zh/