Dhunon fëmijën 4 vjeçar, arrestohet edukatorja e kopshtit

Nëna e një katër vjeçri ka denoncuar në polici edukatoren e një kopshti në Tiranë. Mësohet se Alma Toska është arrestuar nga uniformat blu me akuzën “keqtrajtim i të miturit”.
Më datë 31.12.2012, V.L. ka bërë kallëzim për faktin se fëmija i saj D.L., 4-vjeçar, është keqtrajtuar fizikisht në kopshtin Nr.xxxxx nga ana e edukatores së tij, Alma Toska.
Nëna e fëmijës pretendon se djali i saj kur ka ardhur në shtëpi ka patur të gërvishtura në fytyrë dhe ka mësuar nga fëmijët e tjerë se Toska përveç dhunës psikologjike ka ushtruar tek i mituri dhe dhunë fizike, pasi ky i fundit nuk pranonte të flinte gjumë.

Pas kallëzimit, gruas i është dhënë një vendim nga organet kompetente për kryerjen e ekspertimit mjeko-ligjor për ekzaminimin e të birit. Ndërsa nga ana tjetër e pandehura Alma Toska ka mohuar kategorikisht ta ketë kapur për faqesh duke i shkaktuar dëmtime fëmijës D.L./alb-observer.com/