Drejtoresha e shkollës: Ja si më kërcënoi Edi Rama

“Më tha që kam një denoncim, një prind ka thënë që në shkollën tuaj bëhet fushatë elektorale me fëmijët dhe paguhen me 200 mijë lekë. I thash se më vjen shumë keq dhe nuk është e saktë. I thash gjithashtu që janë thashetheme dhe letra anonime. I kërkova kush është personi dhe të vijë të ankohet te unë, pastaj te ju”.
Kështu është shprehur drejtoresha e shkollës “Ismail Qemali” rreth kërcënimit që ka marrë nga lideri i opozitës, Edi Rama.
Vojsava Thanasi e ka bërë publike telefonatën e saj nëpërmjet një të përditëshmje pas deklaratave të Berishës dhe Ramës kundrejt mësuesve.

Gjithashtu, drejtoresha ka rrëfyer më tej:” “I thash Ramës që nëse është një fëmijë që është ankuar, këtu janë 1 800, po 1 799 të tjerët? I thashë që këtu janë fëmijët nga 15 vjeç deri në 17 vjeç e gjysmë dhe shumë pak janë 18-vjeçarë. Gjithashtu i thash që fëmijët janë të gjithë nxënës dhe këtu vetëm mësohet dhe edukohet. Prindërit mund të jenë rozë, bojëqiell, jeshil, të kuq, për ne nuk ka rëndësi fare. Më tha që: ‘Ju i keni blu prindërit’. I thash se më vjen keq që flet me këtë gjuhë, kur keni qenë ju në pushtet ju kam ftuar tri herë në shkollën time dhe ju nuk keni denjuar të vini dhe tani flisni me këtë gjuhë. Më tha se ka denoncimin. I kërkova të më thotë kush i jep ato lekë dhe kush ka denoncuar, pse nuk ma thua, pse merresh me letra anonime”./alb-observer.com/